मङ्गलबार धादिङका १० जनामा कोरोना पुष्टी

धादिङ २५ कार्तिक
धादिङमा सोमबार १० जना कोरोना सङ्क्रमित थपिएका छन् । थप पुष्टी हुनेहरुमा नीलकण्ठ नगरपालिका वडा नम्बर ९ का ५७ वर्षीय महिला, वडा नम्बर १३ का ३७ वर्षीय महिला, धुनिबेसी नगरपालिका वडा नम्बर ६ का २१ वर्षीय पुरुष, खनियाबास गाउँपालिका वडा नम्बर ४ का १९ वर्षीय पुरुष, बेनिघाट रोराङ गाउँपालिका वडा नम्बर ७ का २४ वर्षीय पुरुष, नेत्रावती डबजोङ गाउँपालिका वडा नम्बर १ का ७३ वर्षीय पुरुष, गजुरी गाउँपालिका वडा नम्बर १ का २३ र ४६ वर्षीय पुरुष, गंगाजमुना गाउँपालिका वडा नम्बर ३ का ५८ वर्षीय महिला, र ६१ वर्षीय पुरुष रहेको स्वास्थ्य कार्यालय धादिङका जनस्वास्थ्य अधिकृत जेसिका थापाले जानकारी दिनु भयो । योसँगै धादिङमा कुल कोरोना सङ्क्रमितको सङ्ख्या १ हजार २ सय ५२ जना पुगेको छ । जसमध्ये १ हजार ५७ जना निको भएर घर फर्किएका छन् । यस्तै कोरोनाका कारण १४ जनाको मृत्यु भैसकेको छ ।