कार्यपालिका सदस्य सार्कीको निधनमा गजुरी गाउँपालिका शोकमा, २१ गते अत्यावश्यक बाहेक सबै कार्यालय बन्द

धादिङ कार्तिक २०
गजुरी गाउँकार्यपालिका सदस्य तथा न्यायिक समिति सदस्य मञ्जु सार्कीको असामयिक निधनप्रति गजुरी गाउँपालिकाले दुःख व्यक्त गरेको छ । बिहिबार गाउँपालिका अध्यक्ष राजेन्द्र विक्रम बस्नेतले एव शोक वक्तव्य जारी गर्दै इमान्दार, कतव्र्यनिष्ठ तथा एक कुशल राजनीतिकर्मीको निधनले सिङ्गो गाउँपालिकालाई नै क्षति पुगेको बताउनु भएको छ । साथै कार्यपालिका सदस्य सार्कीको असामयिक निधनका कारण २१ गते शुक्रबार गाउँपालिका मातहतका अत्यावश्यक बाहेक सबै कार्यालयहरु बन्द रहने समेत विज्ञप्तिमा उल्लेख गरिएको छ । नेपाल कम्युनिष्ट पार्टी गजुरीको नेतृ समेत रहनु भएको गजुरी गाउँकार्यपालिका सदस्य सार्की विगत केही समयदेखि दुबै मृगौला फेल भई मनमोहन शिक्षण हस्पिटल काठमाडौंमा उपचारत हुनुहुन्थ्यो । अस्पतालमा उपचाररत रहेकै समयमा भएको कोरोना परीक्षणमा उहाँमा कोरोना पोजेटिभ देखिएको थियो । ४० वर्षीय सार्कीको बिहिबार दिउसो २ बजेको समयमा निधन भएको हो ।