पृथ्वी राजमार्ग अन्तरगत धादिङको खयरघारीमा ट्रक दुर्घटना, १ को मृत्यु, २ गम्भीर घाईते

धादिङ कार्तिक २०
पृथ्वी राजमार्ग अन्तर्गत धादिङको थाक्रे गाउँपालिका वडा नम्बर १ स्थित खयर घारीमा बिहिबार ट्रक दुर्घटना हुँदा १ जनाको उपचारको क्रममा मृत्यु भएको छ भने २ जना गम्भीर घाईते भएका छन् । विरगञ्ज महानगरपालिका वडा नम्बर ३१ का ३४ वर्षीय चालक शेख अलि अफतरको ट्रमा सेन्टर काठमाडाँैमा उपचारको क्रममा मृत्यु भएको हो । यस्तै घाइते हुनेहरुमा सोही स्थानका ४८ वर्षीय अस्ताब अन्सरी र २४ वर्षीय अलि हुसेन रहेको जिल्ला प्रहरी कार्यालय धादिङका प्रहरी नायव उपरीक्षक लोकनाथ तिमल्सिनाले जानकारी दिनु भयो । बारा जिल्लाबाट काठमाडौँतर्फ भैंसी लिएर आउँदै गरेको ना ५ ख ५७२१ नम्बरको ट्रक एक्कासी अनियन्त्रित भै दुर्घटना भएको तिमल्सिनाले बताउनु भयो । उक्त दुर्घटनामा ट्रकमा रहेकोे १६ वटा भैंसी मध्ये १० वटा भैंसी मरेको र ६ वटा भैंसी घाइते अवस्थामा रहेको प्रहरीले जनाएको छ । ट्रक सडकबाट करिब ६० मिटर तल महेश खोलामा खसेको थियो ।
तस्बिर सौजन्य : धादिङपोष्ट डटकम