पछिल्लो २४ घण्टामा धादिङमा थपिए २७ जना कोरोना सङ्क्रमित

धादिङ १८ कार्तिक
पछिल्लो २४ घण्टामा धादिङमा २७ जना कोरोना सङ्क्रमित थपिएका छन् । मङ्गलबार स्वास्थ्य कार्यालय धादिङले दिएको जानकारी अनुसार थप पुष्टी हुनेहरुमा नीलकण्ठ नगरपालिकाका ३ जना, धुनिबेसी नगरपालिकाका १ जना, गल्छी गाउँपालिकाका ८ जना, गजुरी गाउँपालिकाका १ जना, बेनिघाट रोराङ गाउँपालिकाका १ जना, त्रिपुरासुन्दरी गाउँपालिकाका ७ जना, नेत्रावती डबजोङ गाउँपालिकाका २ जना, धादिङ अस्पतालका ३ जना रहेका छन् । योसँगै धादिङमा कुल कोरोना सङ्क्रमितको सङ्ख्या १ हजार १ सय ७५ पुगेको छ भने ८ सय ७१ जना निको भएर घर फर्किएका छन् ।