पछिल्लो २४ घण्टामा धादिङमा २५ जना कोरोना सङ्क्रमित थपिए

धादिङ १६ कार्तिक
धादिङमा पछिल्लो २४ घण्टामा थप २५ जना कोरोना सङ्क्रमित थपिएका छन् । आइतबार नयाँ थपिएका सङ्क्रमितहरुमा नीलकण्ठ नगरपालिकाका ६ जना, धुनीबेसी नगरपालिकाका ३ जना, गजुरी गाउँपालिकाका ९ जना, ज्वालामुखी गाउँपालिकाका ३ जना, बेनिघाट रोराङ गाउँपालिकाका २ जना, त्रिपुरासुन्दरी गाउँपालिकाका १ जना, गङ्गाजमुना गाउँपालिकाका १ जना रहेको स्वास्थ्य कार्यालय धादिङका जनस्वास्थ्य अधिकृत जेसिका थापाले जानकारी दिनु भयो । योसँगै धादिङमा कोरोना सङ्क्रमितको सख्या १ हजार १ सय ३० पुगेको छ । जसमध्ये ६ सय २१ जना निको भएर घर फर्किएका छन् ।