धादिङमा पछिल्लो २४ घण्टामा ६ जना कोरोना सङ्क्रमित थपिए

धादिङ १४ कार्तिक
धादिङमा पछिल्लो २४ घण्टामा थप ६ जना कोरोना सङ्क्रमित थपिएका छन् । शुक्रबार धादिङको नीलकण्ठ नगरपालिका वडा नम्बर ३ का २४ वर्षीय महिला, ३५ वर्षीय पुरुष, वडा नम्बर १० का ४२ वर्षीय पुरुष, वडा नम्बर १२ की ३५ वर्षीय महिला, ज्वालामुखी गाउँपालिका वडा नम्बर २ की ३६ वर्षीय महिला र वडा नम्बर ३ का ३५ वर्षीय पुरुष रहेको स्वास्थ्य कार्यलय धादिङका जनस्वास्थ्य अधिकृत जेसिका थापाले जानकारी दिनु भयो । योसँगै धादिङमा कोरोना सङ्क्रमितको सख्या १ हजार १ सय १ पुगेको छ । जस मध्ये ६ सय २१ जना निको भएर घर फर्किएका छन् ।