धादिङको बेनिघाट छिवीगाउँमा बोलेरो दुर्घटना हुँदा ९ जना घाईते

सोमवार, ३ कार्तिक
पृथ्वीराजमार्ग अन्तर्गत धादिङको बेनिघाट रोराङ गाउँपालिका वडा नम्बर ४ छिबीगाउँमा बोलेरो दुर्घटना हुँदा ९ जना घाईते भएका छन् । घाइते हुनेहरुमा बेनिघाट रोराङ गाउँपालिका वडा नम्बर ४ का २८ वर्षीय रमेश घले, सोही स्थानका ६ वर्षीय सुस्मिता विसुन्के, २५ वर्षीय समिक्षा विसुन्के, ६० वर्षीय पदम कुमारी मगर, ६० सूर्य बहादुर घले, ५५ वर्षीय जित बहादुर घले, ३९ वर्षीय निर बहादुर घले, २५ वर्षीय करिस्मा गुरुङ र ७ वर्षीय कुशल घले रहेका छन् । यस्तै दुर्घटनामा परी घाइते भएका २८ वर्षीय रमेश घले, सोही स्थानका ६ वर्षीय सुस्मिता विसुन्के, २५ वर्षीय समिक्षा विसुन्केलाई थप उपचारको लागि काठमाडौं स्थित ट्रमा सेन्टर पठाइएको धादिङ प्रहरी जनाएको छ । सोमबार बेनिघाट रोराङ गाउँपालिका वडा नम्बर ४ स्थित मोरियाघाटबाट मलेखु तर्फ आउँदै गरेको ग २ च ७७८४ नम्बरको बोलेरो अनियन्त्रित भई सडकबाट करिब १०० मिटर तल खसेर जिल्ला प्रहरी कार्यालय धादिङका प्रहरी नायव उपरीक्षक लोकनाथ तिमल्सिनाले जानकारी दिनुभयो ।