बिहिबार धादिङमा ३६ जना कोरोना पुष्टी, कुल सङ्क्रमितको संख्या ७ सय ८० पुग्यो

धादिङ २९ असोज
धादिङमा बिहिबार ३६ जना कोरोना सङ्क्रमित थपिएका छन् । थप पुष्टी हुनेहरुमा नीलकण्ठ नगरपालिका वडा नम्बर ३ का ३ जना, वडा नम्बर ४ का २ जना, वडा नम्बर ५ का ४ जना, गजुरी गाउँपालिका वडा नम्बर २ का १ जना, वडा नम्बर १ का ७ जना, बेनिघाट रोराङ गाउँपालिका वडा नम्बर ५ का १ जना, वडा नम्बर ७ का ७ जना, त्रिपुरासुन्दरी गाउँपालिका वडा नम्बर ७ का १ जना, खनियाँबास गाउँपालिका वडा नम्बर १ का १ जना, रुवीभ्याली गाउँपालिका वडा नम्बर २ का २ जना, वडा नम्बर ५ का १ जना, सिद्धलेक गाउँपालिका वडा नम्बर १ का १ जना, वडा नम्बर २ का २ जना, थाक्रे गाउँपालिका वडा नम्बर ९ का १ जना, ज्वालामुखी गाउँपालिकाका १ जना, गल्छी गाउँपालिका वडा नम्बर ४ का १ जना रहेको स्वास्थ्य कार्यालय धादिङका जनस्वास्थ्य अधिकृत जेसिका थापाले जानकारी दिनु भयो । यो सँगै धादिङमा कुल कोरोना सङ्क्रमितको सङ्ख्या ७ सय ८० पुगेको छ । जसमध्ये ४ सय १५ जना निको भएर घर फर्किएका छन् ।