मङ्गलबार धादिङका ७ जनामा कोरोना पुष्टी, सङ्क्रमितको संख्या ६ सय ३४ पुग्यो

धादिङ, २७ असोज
धादिङमा मङ्गलबार ७ जना कोरोना सङ्क्रमित थपिएका छन् । थप पुष्टी हुनेहरुमा नीलकण्ठ नगरपालिका वडा नम्बर ४ का ३९ वर्षीय पुरुष, वडा नम्बर १० का ३३ वर्षीय पुरुष, त्रिपुरासुन्दरी गाउँपालिका वडा नम्बर २ का ४५ वर्षीय पुरुष, धुनिबेसी नगरपालिका वडा नम्बर ७ का ५२ वर्षीय पुरुष, बेनिघाट रोराङ गाउँपालिका वडा नम्बर २ का २९ वर्षीय महिला, गल्छी गाउँपालिका वडा नम्बर १ का ६४ वर्षीय पुरुष र थाक्रे गाउँपालिका वडा नम्बर ३ का ४० वर्षीय महिला रहेको स्वास्थ्य कार्यालय धादिङका जनस्वास्थ्य अधिकृत जेसिका थापाले जानकारी दिनु भयो । यो सँगै धादिङमा कुल कोरोना सङ्क्रमितको सङ्ख्या ६ सय ३४ पुगेको छ । जसमध्ये ३ सय ८४ जना निको भएर घर फर्किएका छन् ।