बुधबार धादिङका १६ जनामा कोरोना पुष्टी, संक्रमितको संख्या ५ सय १२

धादिङ २१ असोज
धादिङमा बुधबार १६ जना कोरोना सङ्क्रमित थपिएका छन् । थप पुष्टी हुनेहरुमा नीलकण्ठ नगरपालिका वडा नम्बर २ का ४२ वर्षीय पुरुष, वडा नम्बर ३ का २४, २८ र २९ वर्षीय पुरुष, वडा नम्बर ४ का २१ र ३७ वर्षीय पुरुष, वडा नम्बर ९ का ९ वर्षीय बालिका र ४० वर्षीय पुरुष, वडा नम्बर १० का २७ वर्षीय महिला, वडा नम्बर १३ का २४ वर्षीय महिला, त्रिपुरासुन्दरी गाउँपालिका वडा नम्बर २ का १९ वर्षीय पुरुष, ज्वालामुखी गाउँपालिका वडा नम्बर २ का ३७ वर्षीय पुरुष, वडा नम्बर ६ का २३ वर्षीय महिला, गल्छी गाउँपालिका वडा नम्बर १ का ३३ वर्षीय पुरुष, नेत्रावती डबजोङ गाउँपालिका वडा नम्बर ३ का २८ वर्षीय महिला, वडा नम्बर ४ का ३५ वर्षीय पुरुष रहेको स्वास्थ्य कार्यालय धादिङले जनाएको छ । योसँगै धादिङमा कुल कोरोना सङ्क्रमितको सङ्ख्या ५ सय १२ पुगेको छ । जसमध्ये ३ जनाको मृत्यु भएको छ भने ३ सय ३८ जना निको भएर घर फर्किएका छन् ।