मङ्गलबार धादिङका एक बालिका सहित ७ जनामा कोरोना पुष्टी ।

धादिङ २० असोज
धादिङमा मङगलबार ७ जना कोरोना सङ्क्रमित थपिएका छन् । थप पुष्टी हुनेहरुमा नीलकण्ठ नगरपालिका वडा नम्बर ३ का ३० वर्षीय महिला, थाक्रे गाउँपालिका वडा नम्बर १ का ३८ वर्षीय पुरुष, वडा नम्बर ११ का ३७ वर्षीय पुरुष, बेनिघाट रोराङ गाउँपालिका वडा नम्बर २ का १९ वर्षीय पुरुष, वडा नम्बर ७ का ३४ वर्षीय पुरुष, १४ वर्षीय बालिका र ३५ वर्षीय महिला रहेको स्वास्थ्य कार्यालय धादिङले जनाएको छ । यो सँगै धादिङमा कुल कोरोना सङ्क्रमितको सङ्ख्या ४ सय ९६ पुगेको छ । जसमध्ये ३ जनाको मृत्यु भएको छ भने ३ सय ३४ जना निको भएर घर फर्किएका छन् ।