धादिङको नेत्रावती ५ चरङ्गेमा आइचर दुर्घटना, २ जनाको मृत्यु, १ जना गम्भीर घाइते

धादिङ २० असोज
धादिङको नेत्रावती डबजोङ गाउँपालिका वडा नम्बर ५ स्थित चरङ्गेमा आइचर ट्रक दुर्घटना हुँदा २ जनाको मृत्यु भएको छ भने १ जना घाइते भएका छन् । दुर्घटनामा परी मृत्यु हुनेमा आइचर ट्रकका चालक गंगाजमुना गाउँपालिका वडा नम्बर ३ का ३५ वर्षीय बेग बहादुर तामाङ र नेत्रावती डबजोङ ४ का दल बहादुर तामाङ रहेका छन् । यस्तै दुर्घटनामा परी गम्भीर घाइते भएका ५८ वर्षीय राम बहादुर तामाङलाई नेत्रावती डबजोङ गाउँपालिकाको आर्थिक सहयोगमा हेलिकप्टरमार्फत काठमाडौँस्थित राष्ट्रिय ट्रमा सेन्टर पठाइएको गाउँपालिकाका प्रमुख प्रशासकीय अधिकृत श्यामकृष्ण पौडेलले जानकारी दिनुभयो ।
मङ्गलबार नेत्रावती डबजोङ गाउँपालकािबाट धादङबिेसीतर्फ आउँदै गरेको बा ५ ख ४७२८ नम्बरको आइचर ट्रक अनियन्त्रित भई दुर्घटना भएको जिल्ला प्रहरी कार्यालय धादिङका प्रहरी नायव उपरीक्षक लोकनाथ तिमल्सिनाले जानकारी दिनुभयो ।