सोमबार धादिङमा ९ जना कोरोना सङ्क्रमित थपिए/जम्मा सङ्क्रमित ४८९

धादिङ १९ असोज
धादिङमा सोमबार ९ जना कोरोना सङ्क्रमित थपिएका छन् । थप पुष्टी हुनेहरुमा थाक्रे गाउँपालिका वडा नं ६ का २४ वर्षीय महिला, ४१ वर्षीय पुरुष, बेनिघाट रोराङ गाउँपालिका वडा नं २ का ३१ र ५२ वर्षीय पुरुष, नेत्रावती डबजोङ गाउँपालिका वडा नं १ का २७ वर्षीय पुरुष, सिद्धलेक गाउँपालिकाका ३१ वर्षीय पुरुष, गल्छी गाउँपालिका वडा नं ६ का ३३ वर्षीय पुरुष, धुनीबेशी नगरपालिका वडा नं ६ का ६० वर्षीय पुरुष र वडा नं ८ की ४२ वर्षीय महिला रहेको स्वास्थ्य कार्यालय धादिङले जनाएको छ । योसँगै धादिङमा कुल कोरोना सङ्क्रमितको सङ्ख्या ४ सय ८९ पुगेको छ । जसमध्ये ३ जनाको मृत्यु भएको छ भने ३ सय ३२ जना निको भएर घर फर्किएका छन् ।