धादिङको थाक्रेमा बेबारिसे पुरुषको शब फेला

धादिङ, १८ असोज

पृथ्वीराजमार्ग अन्तर्गत धादिङको थाक्रे गाउँपालिका वडा नम्बर ८ मा एक जना पुरुषको बेबारिसे शब फेला परेको छ । शनिबार बेलुकी करिब ६;३० बजेको समयमा करिब ५ फिट सालको मुढाले किचेको अबस्थामा नाम थर नखुलेका अन्दाजी ५० वर्षीय पुरुषको शव फेला परेको जिल्ला प्रहरी कार्यालय धादिङले जनाएको छ । प्रहरीका अनुसार पृथ्वी राजमार्ग आसपास बस्दै आएका उनी होटल लगायतका स्थानहरुमा ज्यामी काम गर्दै आएका पाइएको छ । काठको मुढा बोकेर ल्याउने क्रममा काठकै मुढाले थिचेर उनको मृत्यु भएको हुन सक्ने प्रारम्भिक अनुसन्धानले देखाएको र थप अनुसन्धान भै रहेको प्रहरी जनाएको छ । मृतकको पोष्टमार्टमको लागि काठमाडौ टोचिङ्ग अस्पताल महाराजगन्ज पठाइएकोे प्रहरीले जनाएको छ ।