धादिङबेसी भर्‍याङभुरुङ सडक धमाधम कालोपत्रे हुदै, दशैँ अगाबै सम्पन्न गर्ने लक्ष्य

धादिङ १४ असोज
विश्वव्यापी रुपमा फैलिदै गएको कोरोना भाइरस (कोभिड १९) का कारण स्थगित भएको धादिङबेसी भर्‍याङभुरुङ सडकको कालोपत्रे गर्ने काम पुनः सुरु भएको छ । नेपाल सरकार राष्ट्रिय पुर्नःनिर्माण प्राधिकरणको आर्थिक सहयोग तथा पुननिर्माण प्राधिकरण जिल्ला आयोजना कार्यान्वयन इकाई धादिङको आयोजनामा उक्त सडक-खण्डको कालोपत्रे गर्ने काम सुरु भएको हो । नेपाल सरकार राष्ट्रिय पुनःनिर्माण प्राधिकरणको २६ करोड लागतमा धादिङबेसी सिरानबजारबाट ८ किलोमिटर सडक कालोपत्रे गर्न लागिएको सोही आयोजनाका म्यानेजर विष्णु राउतले जानकारी दिनुभयो । करिब ६ मिटर फराकिलो उक्त सडकको साढे ४ मिटर चौडा भाग कालोपत्रे गरिने छ । मौसमले साथ दिएमा दशै अगाबै कालोपत्रे गर्ने काम सम्पन्न गरिसक्ने लक्ष्य रहेको राउतले बतउनु भयो ।

तस्बिर : सुमन अधिकारी