नेकपा नीलकण्ठ ६ नेवारपानी टोल कमिटी गठन

धादिङ १३ असोज
धादिङको निलकण्ठ नगरपालिका वडा नम्बर ६ नेवारपानी टोलमा मङ्गलबार नेपाल कम्युनिष्ट पार्टी(नेकपा)को टोल कमिटी गठन भएको छ । नेपाल कम्युनिष्ट पार्टी(नेकपा) नीलकण्ठ नगरपालिका वडा नम्बर ६ का अध्यक्ष गणेश प्रसाद रिजालको अध्यक्षता रहेको कार्यक्रममा नेकपा जिल्ला कमिटी सदस्य लक्ष्मण रम्तेलको प्रमुख आतिथ्यता रहेको थियो भने नगर कमिटी सदस्य नुरकुमार थापा मगरको विशेष आतिथ्यता रहेको थियो । कार्यक्रममा नेकपा १३ नम्बर वडाका अध्यक्ष राज गुरुङ, सुनौलाबजार टोल सुधार समितिका अध्यक्ष प्रदिप कुमार रम्तेल, अखिल क्रान्तिकारी धादिङका जिल्ला सदस्य गणेश कुमार श्रेष्ठ लगायतको सहभागिता रहेको थियो । १९ सदस्यीय टोल कमिटीको इन्चार्जमा प्रकाश बहादुर दाहल र सचिवमा रविना परियार रहनुभएको छ ।