धादिङको कालुपाण्डे मार्गमा सवारी दुर्घटना हुदा १ जनाको ज्यान गयो, ४ जना घाइते

धादिङ ०९ असोज
धादिङको कालुपाण्डे मार्ग अन्तर्गत सिद्धलेक गाउँपालिका वडा नम्बर ६ स्थित फिसफिसेटारमा ट्याक्सी दुर्घटना हुँदा एक जनाको मृत्यु भएको छ भने ४ जना घाइते भएका छन् । मृत्यु हुनेमा गंगाजमुना गाउँपालिका वडा नम्बर ३ की ५० वर्षीय विन्दु तामाङ रहेको जिल्ला प्रहरी कार्यालय धादिङले जनाएको छ । घाइते हुनेहरुमा धादिङको खनियाँबास गाउँपालिका वडा नम्बर ४ का ३१ वर्षीय सरोज तामाङ, २२ वर्षीय आशिस तामाङ, ४५ वर्षीय विष्णुमाया तामाङ र चालक बेलकोटगढी नगरपालिका वडा नम्बर १३ का वीर बहादुर तामाङ रहेको गजुरी प्रहरीले जानकारी दिएको छ । बिहिबार राती करिब ८ बजेको समयमा काठमाडौँबाट धादिङबेसी तर्फ सुत्केरी लिएर आउँदै गरेको बा १ ज १२६२ नम्बरको ट्याक्सी मलेखु-धादिङबेसी सडकखण्डमा दुर्घटना भएको थियो । ट्याक्सी सकडबाट करिब १ सय ५० मिटर तल खसेको गजुरी प्रहरीले जनाएको छ ।