बेनिघाट रोराङ गाउँपालिकाका प्रमुख प्रशासकिय अधिकृत थापाको मृत्यु

धादिङ जेष्ठ ८
बेनिघाट रोराङ गाउँपालिकाका प्रमुख प्रशासकिय अधिकृत हर्षबहादुर थापाको आकस्मिक निधन भएको छ । गोरखाका स्थायी बासिन्दा थापा स्थानीय तह गठन पश्चात वेनिघाट रोराङ गाउँ पालिकाको प्रमुख प्रशासकीय अधिकृतको रुपमा कार्यरत थिए । ५४ वर्षीय थापा बुधबार बिहान एक्कासी अस्वस्थ भएपछि उपचारका लागि थापाथलीस्थित नर्भिक अस्पताल पुर्‍याइएको थियो । करिब ९ बजेतिर अस्पतालले थापालाई मृतक घोषणा गरेको हो । गाउँ पालिका अध्यक्ष हरि डल्लाकोटीका अनुसार उनी न्यून रक्तचापका बिरामी थिए ।