धादिङको थाक्रेमा सवारी दुर्घटना हुँदा ३ वर्षीय बालिका सन्जिताको मृत्यु

धादिङ ०४ असोज
पृथ्वीराजमार्ग अन्तर्गत धादिङको थाक्रे गाउँपालिका वडा नम्बर ६ स्थित महादेवबेसी बजारमा सवारी दुर्घटना हुँदा एक बालिकाको मृत्यु भएको छ । मृत्यु हुनेमा धादिङको थाक्रे गाउँपालिका वडा नम्बर ६ की ३ वर्षीय बालिका सन्जिता कार्की रहेको जिल्ला प्रहरी कार्यालय धादिङले जनाएको छ । आइतबार काठमाण्डौबाट चितवन तर्फ जाँदै गरेको ना ३ ख ५१८३ नम्बरको ट्रकले पैदल यात्रीलाई ठक्कर दिँदा कार्कीको घटनास्थलमै मृत्यु भएको जिल्ला प्रहरी कार्याल धादिङका प्रहरी उपरीक्षक रविन्द्र रेग्मीले जानकारी दिनु भयो । पैदल यात्रीलाई ठक्कर दिने ट्रक र चालक प्रहरीको नियन्त्रणमा रहेको छ ।