महालक्ष्मी विकास बैँकद्धारा धादिङ अस्पताललाई डिस्पेन्सर वितरण

धादिङ जेष्ठ ७
महालक्ष्मी विकास बैक लिमिटेड धादिङले आफ्नो स्थापनाको २५ औँ वषन्त पार गरेको उपलक्ष्यमा संस्थागत सामाजिक उत्तरदायित्वको निम्ति जिल्ला अस्पताल धादिङलाई तातो चिसो पानी डिस्पेन्सर वितरण गरेको छ । अस्पतालमा आउने सेवाग्राहीहरुलाई आवश्यक पानीको समस्या नहोस् भन्ने उद्देश्यका साथ ३ वटा तातो चिसो पानी आउने डिस्पेन्सर वितरण गरिएको हो । जिल्ला अस्पताल धादिङका अध्यक्ष महेन्द्र धमलाको प्रमुख आतिथ्यतामा सम्पन्न भएको कार्यक्रममा निलकण्ठ नगरपालिका वडा नम्बर ३ का अध्यक्ष होमनाथ रिजाल, धादिङ उद्योग वाणिज्य संघका अध्यक्ष रुद्र बहादुर खत्रीको विशेष आतिथ्यता रहेको थियो । कार्यक्रमको सहजीकरण महालक्ष्मी विकास बैंक धादिङ शाखाका म्यानेजर खिल प्रसाद सिलवालले गर्नुभएको थियो ।