सोमबार ३ जना सङ्क्रमित पुष्टी भएसँगै धादिङमा कोरोना सङ्क्रमित २७१ पुगे

धादिङ २२ भाद्र
सोमबार धादिङमा कोरोना भाइरसबाट थप ३ जना सङ्क्रमित पुष्टी भएका छन् । थप पुष्टी हुनेहरुमा त्रिपुरासुन्दरी गाउँपालिका वडा नं. ४ का ३१ वर्षीय महिला, धुनिबेसी नगरपालिका वडा नम्बर २ का ४५ वर्षीय पुरुष र गजुरी गाउँपालिका वडा नम्बर २ का ३८ वर्षीय महिला रहेको स्वास्थ्य कार्यालय धादिङका जनस्वास्थ्य अधिकृत जेसिका थापाले जानकारी दिनु भयो । धादिङमा सोमबार सम्म कोरोना भाइरसबाट सङ्क्रमित हुनेको कुल सङ्ख्या २ सय ७१ रहेको छ भने १ सय ७१ जना निको भएर घर फर्किएका छन् ।