शनिबार धादिङका ६ जनामा कोरोना भाइरस पुष्टी, कुल सङ्क्रमितको सङ्ख्या २५७

धादिङ २० भाद्र
शनिबार धादिङमा कोरोना भाइरसबाट थप ६ जना सङ्क्रमित पुष्टी भएका छन् । थप पुष्टी हुनेहरुमा थाक्रे गाउँपालिका वडा नम्बर ६ का २० र २६ वर्षीय महिला रहेका छन् । यस्तै नीलकण्ठ नगरपालिका वडा नम्बर ३ का २२, २२, ३३, ३५ वर्षीय पुरुष रहेको स्वास्थ्य कार्यालय धादिङका जनस्वास्थ्य अधिकृत जेसिका थापाले जानकारी दिनु भयो । धादिङमा हालसम्म कोरोना भाइरसबाट सङ्क्रमित हुनेको कुल सङ्ख्या २ सय ५७ रहेको छ भने १ सय ६६ जना निको भएर घर फर्किएका छन् ।