चितवनमा सवारी दुर्घटनामा परी धादिङका शङ्कर सेढाईको मृत्यु

धादिङ १७ भाद्र
मुग्लिङ नारायणघाट सडकखण्ड अन्तर्गत गाइघाट भरतपुर वडा नम्बर २९ मा सवारी दुर्घटना हुँदा धादिङका एक जनाको मृत्यु भएको छ । मृत्यु हुनेमा धादिङको गजुरी गाउँपालिका वडा नम्बर २ का ३० वर्षीय शङ्कर सेढाई रहेको चितवन प्रहरीले जानकारी दिएको छ । नारयणगढबाट मुग्लिनतर्फ जाँदै गरेको बा १९ च ७६७७ नम्बरको बोलेरो र विपरित दिशाबाट आएको ग २ ख ४३१९ नम्बरको आइचर ट्रक एक आपसमा ठक्कर खाँदा दुर्घटना भएको हो । दुर्घटनामा गम्भीर घाइते बोलेरो चालक शङ्कर सेढाईको उपचारको क्रममा पुरानो मेडिकल कलेजमा मृत्यु भएको जिल्ला प्रहरी कार्यालय चितवनका प्रहरी प्रवक्ता सूर्य बहादुर थापाले जानकारी दिनु भयो । बोलेरो र ट्रक प्रहरीको नियन्त्रणमा रहेका छ ।