मङ्गलबार धादिङका ११ जनामा कोरोना भाइरस पुष्टी, कुल सङ्क्रमितको सङ्ख्या २२७

धादिङ १६ भाद्र
मङ्गलबार धादिङमा कोरोना भाइरसबाट थप ११ जना सङ्क्रमित पुष्टी भएका छन् । थप पुष्टी हुनेहरुमा नीलकण्ठ नगरपालिकाका वडा नं. ३ का २८, ३४ र २६ वर्षीय पुरुष, धुनिबेसी नगरपालिका वडा नं. ३ का ३१ वर्षीय पुरुष, थाक्रे गाउँपालिका वडा नं. ६ का ३१ वर्षीय पुरुष, रुविभ्याली गाउँपालिका वडा नं. १ का २४ वर्षीय पुरुष, नेत्रावती डबजोङ गाउँपालिका वडा नं. ३ का ३२ वर्षीय पुरुष र वडा नं. ५ का २५ वर्षीय पुरुष, त्रिपुरासुन्दरी गाउँपालिका वडा नं. १ का ३३ वर्षीय पुरुष, सिद्धालेक गाउँपालिका वडा नं. ३ का १८ वर्षीय पुरुष र गल्छी गाउँपालिका वडा नं. १ का ३७ वर्षीय पुरुष रहेका छन् । धादिङमा हालसम्म कोरोना भाइरसबाट सङ्क्रमित हुनेको कुल सङ्ख्या २ सय २७ रहेको छ भने १ सय ६३ जना निको भएर घर फर्किएका छन् ।