प्रदेश सांसद जगत सिंखडाको अपिल, सबै एकजुट भए कोरोनाको लडाइ जितिन्छ

धादिङ १० भाद्र
विश्वव्यापी रुपमा फैलिदै गएको कोरोना भाइरस (कोभिड १९) रोकथाम तथा नियन्त्रणको लागि सबै नागरिकहरु एकजुट हुन बागमती प्रदेश सभा सदस्य सांसद जगत सिम्खडाले आग्रह गर्नुभएको छ । बुधबार सिंखडाले एक अपिल सार्वजनिक गर्दै आफ्नो निर्वाचन क्षेत्र धादिङको त्रिपुरासुन्दरी गाउँपालिका, खनियावास गाउँपालिका रुवीभ्याली गाउँपालिका र नीलकण्ठ नगरपालिकाका वडा नं. १० र ११ लगायत देशैभरका नागरिकहरुलाई बढ्दै गएको कोरोना सङ्क्रमबाट बच्नका लागि स्वास्थ्य सचेतता अपनाउन समेत सबै नागरिकहरुलाई आग्रह गर्नुभएको छ । त्रिपुरासुन्दरी गाउँपालिकामा कोभिड-१९ को सङ्क्रमण समुदायस्तरमा फैलिएको आशङ्का गर्दै उहाँले निषेधाज्ञालाई पूणर् रुपमा पालना गर्न समेत स्थानीयहरुलाई आग्रह गर्नुभयो ।

कोरोना भाइरसले संसारभरका मानव जातिको भविष्य अन्यौल, चिन्ताग्रस्त र त्रासपूणर् बनिरहेको, र चिन, युरोप, अमेरिका हुँदै हाल दक्षिण एसियाली राष्ट्रहरु पनि यो महांमारीको नयाँ इपि सेन्टर बनिरहेको भन्दै सांसद सिंखडाले बेलैमा सचेतता अपनाउन नसके ठुलै क्षति बेहुर्नपर्ने अवस्था सिर्जना हुने बताउनु भयो ।