उत्कृष्ठ धादिङ प्रहरीका रुपमा सम्मानित हवल्दार झलक घले रुविभ्याली ५ बाट पनि सम्मानित

धादिङ ०८ भाद्र
श्रावण महिनाको उत्कृष्ठ प्रहरीका रुपमा जिल्ला प्रहरी कार्यालय धादिङद्धारा सम्मानित रुबीभ्याली गाउँपालिका स्थित लापा प्रहरी चौकीमा कार्यरत हवल्दार झलक बहादुर घलेलाई सोमबार वडा कार्यालयले सम्मान गरेको छ । साउन महिनामा परेको अविरल वर्षाको कारण रुबीभ्याली गाउँपालिका वडा नम्बर ५ र ६ का पहिरोको जोखिममा परेका १ सय ६ घर धुरी स्थानीयहरुलाई सुरक्षित स्थानमा सार्न अहम भूमिका निभाएको भन्दै रुबीभ्याली गाउँपालिका वडा नं. ५ ले सम्मान गरेको हो । वडा अध्यक्ष धिराज तामाङले द्धन्द्वात्मक भौतिकवाद र ऐतिहासिक भौतिकवाद नामक २ वटा विचारोत्तेजक किताब प्रदान गर्र्दै बधाइ तथा सम्मान व्यक्त गरिएको बताउनु भयो । रुबीभ्याली गाउँपालिका वडा नं. ५ का वडा अध्यक्ष धिराज तामाङको अध्यक्षता तथा नेकपा जिल्ला कमिटी सदस्य मिम्वा तामाङको प्रमुख आतिथ्यता रहेको सम्मान कार्यक्रममा वडा नं. ५ का स्थानीय नागरिकहरुको उपस्थिति रहेको थियो ।