पछिल्लो २४ घण्टामा १ हजार १६ जनामा कोरोना पुष्टी, धादिङका ३ जना थपिए

धादिङ ०२ भाद्र
धादिङमा कोरोना सङ्क्रमितको सङ्ख्या १ सय ६६ पुगेको छ । मङ्गलबार थप ३ जनामा कोरोना सङ्क्रमण पुष्टी भएसँगै सङ्क्रमितको संख्या १ सय ६६ पुगेको हो । मङ्गलबार पुष्टी हुनेहरुमा धादिङको धुनिबेसी नगरपालिका वडा नम्बर ३ का २५ वर्षीय महिला, ज्वालामुखी गाउँपालिका वडा नम्बर ५ का २३ वर्षीय पुरुष र नेत्रावती डबजोङ गाउँपालिका वडा नम्बर ४ का २८ वर्षीय पुरुष रहेको स्वास्थ्य कार्यालय धादिङका जनस्वास्थ्य अधिकृत जेपिका थापाले जानकारी दिनु भयो ।

नेपालमा पछिल्लो २४ घण्टामा एक हजार १६ जनामा कोरोना भाइरसको सङ्क्रमण पुष्टि भएको छ । योसँगै नेपालमा कोरोना सङ्क्रमितको कुल सङ्ख्या २८ हजार दुई सय ५७ पुगेको स्वास्थ्य तथा जनसङ्ख्या मन्त्रालयले जनाएको छ । यस्तै गएको २४ घण्टामा नेपालमा कोरोना सङ्क्रमणबाट सात जनाको ज्यान गएको छ । योसँगै नेपालमा कोरोना सङ्क्रमणबाट ज्यान गुमाउनेको सङ्ख्या एक सय १४ पुगेको छ ।