धादिङमा सोमबार ६ जनामा कोरोना सङ्क्रमण पुष्टी

धादिङ ०१ भाद्र
धादिङमा कोरोना संक्रमितको संख्या १ सय ६३ पुगेको छ । सोमबार धादिङका थप ६ जना कोरोना संक्रमित पुष्टी भएसँगै संक्रमितको संख्या १ सय ६३ पुगेको हो । सोमबार कोरोना सङ्क्रमित पुष्टी हुनेहरुमा धादिङको त्रिपुरासुन्दरी गाउँपालिका वडा नम्बर ४ का ७७ वर्षीय पुरुष, गल्छी गाउँपालिका वडा नम्बर ४ का २६ वर्षीय पुरुष, धुनीबेसी नगरपालिका वडा नम्बर ३ का ७८ र २९ वर्षीय पुरुष र धादिङ घर भएका तर ठेगाना नखुलेका ३३ र ३४ वर्षीय पुरुष रहेको स्वास्थ्य कार्यालय धादिङका जनस्वास्थ्य अधिकृत जेपिका थापाले जानकारी दिनु भयो । धादिङका कुल सङ्क्रमितमध्ये निको हुनेको संख्या १ सय ३७ रहेका छन् ।