विशालटार धादिङमा ट्रक र मोटरसाइकल ठोक्किदा १ जनाको ज्यान गयो

धादिङ २६ श्रावण
धादिङको बेनिघाट रोराङ गाउँपालिका वडा नम्बर ५ बिशालटारमा सोमबार ट्रक र मोटरसाईकल एक आपसमा ठोक्किदा एक जनाको मृत्यु भएको छ भने एक जना घाइते भएका छन् । मृत्यु हुनेमा मोटरसाइकल चालक तारकेश्वर गाउँपालिका वडा नम्बर १ नुवाकोटका २७ वर्षीय बिरेन्द्र तामाङ रहेको प्रहरीले जानकारी दिएको छ । दुर्घटनामा परी घाइते हुनेमा रुवीभ्याली गाउँपालिका वडा नम्बर ३ का ३० वर्षीय भोज बहादुर तामाङ रहेका छन् । चितवनबाट काठमाडौँतर्फ आउँदै गरेको बा ८४ प ६९६६ नम्बरको मोटरसाइकल र काठमाडाँैबाट चितवनतर्फ जाँदै गरेको लु १ ख ८५३२ नम्बरको ट्रक एक आपसमा ठोक्किदा दुर्घटना भएको जिल्ला प्रहरी कार्यालय धादिङका प्रवक्ता रुपक खड्काले जानकारी दिनुभयो । मोटरसाइकल चालकको राजमार्ग सामुदायिक अस्पताल गजुरीमा उपचारको क्रममा मृत्यु भएको र घाइतेको सोही अस्पतालमा उपचार भइरहेको प्रवक्ता खड्काले बताउनु भयो । र ट्रक, मोटरसाईकल र ट्रकका चालक प्रहरीको नियन्त्रणमा रहेका छ ।