सेमजोङ धादिङमा नेकपाको युवा तथा अगुवा कार्यकर्ता भेला सम्पन्न

धादिङ ०६ श्रावण
नेत्रावती डबजोङ गाउँपालिका वडा नं. ३ सेमजोङमा नेपाल कम्युनिष्ट पार्टी नेकपा अन्तरगतको युवा तथा अगुवा कार्यकर्ताको भेला सम्पन्न भएको । नेकपा वडा नं. ३ का अध्यक्षा लोप्साङ तामाङको अध्यक्षतामा भएको भेलामा नेकपा प्रदेश सचिवालय सदस्य राम बहादुर भण्डारीको प्रमुख आतिथ्यता रहेको थियो । यस्तै नेकपा धादिङका नेता विनोदबाबु रिमाल, नेत्रावती डबजोङ गाउँपालिका अध्यक्ष दुर्गा नारायण श्रेष्ठ, उपाध्यक्ष उर्मिला तामाङ, नेकपा नेत्रावती डबजोङ गाउँ सङ्गठन कमिटीका अध्यक्ष प्रेम तामाङ लगायतका वक्ताहरुले भेलामा मन्तव्य राखेका थिए । करिब १ सय १० जना भन्दा बढी युवाहरुको उपस्थिति रहेको कार्यक्रममा नेपाली काङ्ग्रेस परित्याग गरी २ जना युवा नेकपामा प्रवेश गरेका थिए । नव प्रवेशीहरुलाई प्रमुख अतिथि राम बहादुर भण्डारीले खादा र माला लगाइ स्वागत गरेका थिए ।