धादिङको आगिन्चोक गोलाङमा पहिरोले पुरिदा एकै परिवारका ३ जनाको मृत्यु

धादिङ ०६ श्रावण
अबिरल वर्षाका कारण गएराति त्रिपुरा सुन्दरी गाउँपालिका वडा नं. ६ गोलाङमा पहिरो जाँदा पहिरोले पुरिएर एकै परिवारका ३ जनाको मृत्यु भएको छ । घरमाथिबाट खसेको पहिरोले घर पुरिदा अन्दाजी वर्ष २२ का मिलन खाँड उनकी श्रीमती वर्ष १९ की सम्झना खाडँ र डेढ वर्षीया छोरी अञ्जिता खाँडको मृत्यु भएको सहकर्मी हरि विश्वकर्माले जानकारी दिनुभयो । राति ३ बजेको समयमा पहिरो जादा सुतिरहेको अवस्थामा उनीहरुलाई पहिरोले पुरेको हो । घटनास्थलमा गाउँपालिका अध्यक्ष सम्भू थापासहित प्रहरी पुगिसकेको विश्वकर्माले बताउनु भयो ।