अबिरल वर्षाका कारण मलेखुमा पहिरो जादा ६ घर पुरियो, १ किशोरी बेपत्ता

धादिङ,०५ श्रावण
अबिरल वर्षाका कारण  धादिङको गजुरी गाउँपालिका वडा नम्बर २ स्थित मलेखुमा पहिरो जाँदा ६ घर पुरिएको छ । पहिरोमा परी एक जना किशोरी वेपत्ता भएकी छन् । बेपत्ता हुनेमा निरुता परिवार रहेकी छिन् भने दिपेन्द्र चौधरी घाइते भएको प्रत्यक्षदर्शीहरुले जनाएका छन् । केही दिनदेखि परेको अविरल बर्षाका कारण सोमबार बिहान मलेखुबजार पुल छेउमा पहिरो जाँदा ६ घर पुरिएको जिल्ला प्रहरी कार्यालय धादिङका प्रहरी नायव उपरीक्षक रुपक खड्काले जानकारी दिनु भयो । खड्काले निरन्तर बर्षाका कारण पहिरो नरोकिएकाले उद्धार कार्यमा कठिनाई भएको बताउनु भयो । पहिरोले गर्दा पृथ्वीराजमार्ग अवरुद्ध भएको छ ।