सवारी दुर्घटनामा अपाङ्ग भएकी धादिङकी कौशिला नेपालीलाई नगद तथा जिन्सी सहयोग

धादिङ २९ आषाढ
सवारी दुर्घटनामा परी अपाङ्गता भएकी धादिङकी कौशिला नेपालीलाई सहयोगी मनहरुले सोमबार आर्थिक तथा खाद्यान्न सामग्री सहयोग गरेका छन् । लायन्स क्लब अफ नेपाल हाईलाइटले कोरोना महामारी भोकमरी बिरुद्धको हाम्रो अभियान” कार्यक्रममा भेटीएकी धादिङकी कौशिला नेपालीलाई सहयोगी मनहरुद्धारा सङ्कलित नगद रु. १३ हजार सहयोग गरेको हो । लायन मेम्बर दिपेन्द्र धरेलबाट रू ५ हजार, दिलिप अर्यालबाट रू. ४ हजार, फिन्जो शेर्पाबाट रू. २ हजार, कल्याण राज हलवेईबाट रू. २ हजार नगद सहयोग गर्नुभएको हो । यस्तै विबेकमान श्रेष्ठले ग्यास चूलो लगायतका भाडाँकुडा, सुवास श्रेष्ठले शिरक डसना, बुद्धि बुर्लाकोटीबाट ४ थान कुर्ता-सुरूवाल, चिरन्जिबी खकुरालले ५ जोर कपडा सहयोग गर्नु भएको छ । यसैगरी सहयोगी मनहरु दिनेश तिम्सिना, श्रीमान लामा, राजेन्द्र उप्रेती लगायतले पनि जिन्सी सामान सहयोग गर्नुभएको हो । सवारी दुर्घटनामा परी अपाङ्गता हुन पुगेकी नेपालीलाई ह्विलचियर र खाद्यान्न बितरण गर्नेक्रममा फेसबूक लाईभ मार्फत सहयोगको लागी अपिल गरेपछि विभिन्न ठाउँबाट सहयोग प्राप्त भएको र उक्त सहयोग संकलन गरी उपलब्ध गराइए ईश्वर भण्डारीले जानकारी दिनुभयो ।