जनकल्याण बचत सहकारी मलेखुको २५ औँ स्थापना दिवसमा १ सय ४५ जनाले गरे रक्तदान

धादिङ २९ आषाढ
जनकल्याण बचत तथा ऋण सहकारी संस्था लिमिटेड बेनिघाट रोराङ ३ रिचोकटार मलेखु धादिङको २५ औं स्थापना दिवस तथा रजत वर्षको उपलक्ष्यमा खुल्ला रक्तदान कार्यक्रम सम्पन्न भएको छ । जनकल्याण बचत तथा ऋण सहकारी संस्था लिमिटेड बेनिघाट रोराङ ३ रिचोकटारको आयोजना तथा नेपाल रेडक्रस सोसाइटी जिल्ला शाखा धादिङको प्राविधिक सहयोग र राजमार्ग सामुदायिक अस्पताल मलेखु धादिङको सहयोगमा भएको रक्तदान कार्यक्रममा २६ जना महिला र ११९ पुरुष गरी कुल १४५ जनाले रक्तदान गरेका थिए । रक्तदान कार्यक्रममा युवा, राजनीतिककर्मीहरु, सहकारीकर्मीहरु, र महिला सञ्जालहरुले सहभागिता रहेको थियो ।