सिद्धलेक १ बैरेनी धादिङमा मनोसामाजिक स्वास्थ्य सचेतना गोष्ठी सम्पन्न

यमुना गुरुङ
धादिङ १९ आषाढ
मानसिक तथा मनोसामाजिक स्वास्थ्य सम्बन्धी समुदायको अगुवाहरु तथा टोल सुधार समिति सचेतना गोष्ठी शुक्रबार धादिङको सिद्धलेक गाउँपालिका वडा नम्बर १ बैरेनीमा सम्पन्न भएको छ । उत्थान नेपाल धादिङको आयोजना तथा सामाजिक विकास मन्त्रालय बागमती प्रदेश हेटौडाको सहयोगमा उक्त गोष्ठीको आयोजना गरिएको हो । गोष्ठीमा मनोविमर्शकर्ताहरु यमुना गुरुङ र मञ्जु श्रेष्ठले मनोसामाजिक समस्या भनेको के हो ?, मनोसामाजिक स्वास्थ्य, मनोसामाजिक समस्या, कारण, लक्षण र रोकथामका उपायहरुको बारेमा सहभागिहरुलाई सहजीकरण गर्नु भएको थियो । उत्थान नेपाल धादिङका अध्यक्ष कृष्ण प्रसाद अर्यालको अध्यक्षता रहेको कार्यक्रममा संस्थाका सचिव सविता अर्याल, शिक्षक, समाजसेवी, विभिन्न विद्यालयका प्रधानाध्यापकहरु, टोल सुधार समितिका पदाधिकारीहरु, र समुदायका अगुवा व्यक्तिहरुको सहभागिता रहेको थियो । उत्थान नेपालले धादिङका विभिन्न स्थनीय तहहरुमा समुदायस्तरमा मनोसामाजिक परामर्श कार्यक्रम सञ्चालन गर्दै आइरहेको छ ।