त्रिपुरा सुन्दरी गाउँ पालिकामा निःशुल्क महिलाहरुको पाठेघरको मुखको क्यान्सर परीक्षण तेस्रो दिन

धादिङ बैशाख ३१

त्रिपुरा सुन्दरी गाउँ पालिकाले महिलाहरुको स्वास्थ्य समस्यालाई मध्यनजर गर्दै आइतबारबाट सुरु गरेको निःशुल्क महिलाहरुको पाठेघरको मुखको क्यान्सर परीक्षण कार्यक्रम मङ्गलबार सल्यानकोट स्वास्थ्य चौकीमा सम्पन्न भएको हो । त्रिपुरा सुन्दरी गाउँ पालिका स्वास्थ्य शाखाको आयोजनामा भएको स्वास्थ्य परीक्षण कार्यक्रम सोमबार ८० जना महिलाहरुले पाठेघरको मुखको परीक्षण गराएका थिए । जसमा ४ जनामा क्यान्सरको लक्षण देखिएको गाउँ पालिकाका स्वास्थ्य संयोजक यम बहादुर श्रेष्ठले बताउँनु भयो । गाउँपालिकाका नागरिकलाई पूर्ण स्वास्थ्यको प्रत्याभूति गराउने उद्देश्यका साथ अभियानकै रुपमा विभिन्न खाले स्वास्थ्य शिविर आयोजना गर्दै आएको छ । आइतबारबाट सुरु भएको निःशुल्क स्वास्थ्य परीक्षण कार्यक्रममध्ये १ गते बुधबार मूलपानी स्वास्थ्य चौकीमा निःशुल्क महिलाहरुको पाठेघरको मूखको परीक्षण शिविर सञ्चालन गरी समापन गरिने श्रेष्ठले बताउँनु भयो । कार्यक्रममा गाउँ पालिका अध्यक्ष सम्भु कुमार थापा, उपाध्यक्ष देवी कुमारी पाण्डे, प्रमुख प्रशासकीय अधिकृत ओम प्रसाद सुवेदी, वडा नं. ५ का अध्यक्ष कुष बहादुर सिटौला, वडा नं. ४ का अध्यक्ष एवं सल्यानकोट स्वास्थ्य चौकी व्यवस्थापन समितिका अध्यक्ष कपिलदेव सिङ्खडा, स्थानीय जनप्रतिनिधि लगायतको आतिथ्यता रहेको थियो । उद्घाटन कार्यक्रममा अतिथिहरुले गाउँ गाउँमा स्वास्थ्य समस्या समाधान गर्नतर्फ गाउँ पालिका गम्भीर भएको बताउनु भएको थियो ।