गजुरी गाउँपालिकामा आयोजित रक्तदान कार्यक्रममा ११९ जनाले गरे रक्तदान

धादिङ जेष्ठ ३२
विश्व रक्तदाता दिवसको अवसरमा आयोजित बृहत खुल्ला रक्तदान कार्यक्रम आइतबार धादिङको गजुरी गाउँपालिका गजुरी बजार धादिङमा सम्पन्न भएको छ । नेपाल रेडक्रस सोसाइटी गजुरी उप शाखा गजुरी गाउँपालिका वडा नम्बर १ धादिङको आयोजना तथा गजुरी सामुदायिक विकास समाज गजुरी रुद्रेश्वर आमा समुह, लायन्स क्लब अफ गजुरीको सह–आयोजनामा भएको रक्तदान कार्यक्रममा १०१ जना पुरुष र १८ जना महिला गरी कुल ११९ जनाले रक्तदान गरेका थिए ।

विहान १० बजेबाट सुरु भएको रक्तदान कार्यक्रम दिउसो २ बजेसम्म सञ्चालन भएको थियो । बृहत खुल्ला रक्तदान कार्यक्रममा स्थानीय रेडक्रसकर्मी, स्वयंसेवी रक्तदाताहरुले रक्तदान गरेको नेपाल रेडक्रस सोसाइटी जिल्ला शाखा धादिङका उप मन्त्री नारायण कुमार श्रेष्ठले जानकारी दिनुभयो । यसै गरी नेपाल रेडक्रस सोसाइटी जिल्ला शाखा धादिङका उप मन्त्री नारायण कुमार श्रेष्ठको घरमा गरिएको पारिवारिक रक्तदान कार्यक्रममा ३ जना पुरुष र ८ जना महिला सहित ११ जनाले रक्तदान गरेका छन् ।