धादिङको नीलकण्ठ १० भकारेमा ट्र्याक्टर दुर्घटना, ३ जना गम्भीर घाइते

धादिङ २७ जेष्ठ
नीलकण्ठ नगरपालिका १० भकारे समिटारमा सोमबार बेलुका ट्र्याक्टर दुर्घटना हुँदा ३ जना गम्भीर घाइते भएका छन् । धादिङबेसीबाट सल्यानटारतर्फ जाँदै गरेको बा ६ च १८९९ नम्बरको ट्र्याक्टर अनियन्त्रित भएर दुर्घटना भएको हो । दुर्घटनामा गभ्भीर घाइते भएका ३ जनालाई ट्रमा सेन्टर, काठमाडौँ पठाएको जिल्ला प्रहरी कार्यालय धादिङका प्रवक्ता रुपक खड्काले जानकारी दिनुभयो । गम्भीर घाइते भएका कृष्ण बहादुर इटनी, राजु बिसुन्के, सुवास बिसुन्केलाई धादिङ अस्पतालमा प्राथमिक उपचार गरी ट्रमा सेन्टर रिफर गरिएको छ भने सामान्य घाइते भएका सीताराम बिसुन्केलाई उपचारपछि डिस्चार्ज गरिएको छ जिल्ला अस्पताल स्रोतले जानकारी दिएको छ । दुर्घटना भएलगतै घाइतेहरुको उद्धार गरी जिल्ला अस्पताल ल्याइएको स्वयंसेवी नारायण कुमार श्रेष्ठले जानकारी दिनुभयो ।