रुकुम चौरजहारी घटनाका दोषीलाई कारबाहीको माग गर्दै धादिङबेसीमा विरोध प्रर्दशन(भिडियो सहित)

धादिङ १६ जेष्ठ
रुकुम चौरजहारी घटनाका दोषीलाई कारबाहीको माग गदै संयुक्त दलित संघर्ष समिति धादिङले शुक्रबार धादिङबेसीमा विरोध प्रर्दशन गरेको छ । अन्तरजातीय बिबाहको विषयमा लिएर भएको जाजरकोटका नवराज विक सहित ५ जना युवाहरुको हत्या भएको विषयलाई लिएर उक्त हत्याकाण्डको उचित छानबिन गरी हत्यारालाई कडा भन्दा कडा कारबाहीको माग गर्दै धादिङमा पनि बिरोध प्रर्दशन गरिएको हो । संयुक्त दलित संघर्ष समितिको अगुवाइमा भएको बिरोध ¥यालीमा करिब सय जना भन्दा बढीको सहभागिता रहेको थियो । पुछारबजारबाट सुरु भएको उक्त ¥याली बिच बजार हुँदै सिरान बजार पुगेर पुनः बिचबजारमा आइ कोण सभामा परिणत भएको थियो । प्रदर्शनका क्रममा हत्यारालाई फासी दे, जातीय छुवाछुत अन्त्य गर लगायतका नारा लगाइएको थियो । अन्तरजातीय प्रेममा रहेका जाजरकोटको भेरी नगरपालिका वडा नं. ४ राना गाउँ निवासी २१ वर्षीय नवराज विक सहित अन्य ५ जना युवाहरुलाई रुकुम पश्चिममा प्रेमिकालाई बिबाह गर्न जादा सोही ठाउँका स्थानीयहरुले हत्या गरेर भेरी नदीमा फालेको पीडित पक्षको आरोप रहेको छ । भेरी नदीमा बेपत्ता भएका ५ जनाको शब भेटिइसकेको छ भने १ जना अझैँ बेपत्ता रहेका छन् । सोही घटनाको विषयमा चरणबद्ध आन्दोलनमा उत्रिएको दलित संघर्ष समिति धादिङले आइबार प्रमुख जिल्ला अधिकारीमार्फत प्रधानमन्त्रीलाई ज्ञापन पत्र बुझाउने कार्यक्रम समेत रहेको दलित अगुवा दिपक विश्वकर्माले बताउनु भयो ।