धादिङको धुनिबेसी ७ खानीखोलामा एक औषधी उत्पादक उद्योगमा आगलागी,मानवीय क्षति हुन पाएन

धादिङ १४ जेष्ठ
धादिङको धुनिबेसी नगरपालिका वडा नं. ७ खानीखोलामा रहेको औषधी उत्पादक कम्पनी नोभा जेनेटिक प्रा.लि.को उद्योगमा बुधबार दिउसो आगलागी भएको छ । ट्याङ्करबाट उद्योगमा आवश्यक पर्ने कच्चा पदार्थ अनलोड गर्ने क्रममा सो ट्याङ्करमा भएको प्रज्वलनशील पदार्थमा एक्कासी आगोलागि भएको जिल्ला प्रहरी कार्यालय धादिङका प्रवक्ता रुपक खड्काले बताउनु भयो । आगलागीबाट मानवीय क्षति नभएता पनि ६० लाख बराबरको स्प्रिट, ७ वटा मोटरसाईकल, फर्निचर लगायत भौतिक क्षति भएको छ । धुनिबेसी नगरपालिकामा रहेको दमकल, इलाका प्रहरी कार्यालय खानीखोलाबाट खटिएका प्रहरी र स्थानीयहरुको सहयोगमा आगो नियन्त्रणमा लिइएको थियो ।