गणतन्त्र दिवसको अवसरमा मलेखुमा बृहत खुल्ला रक्तदान कार्यक्रम हुँदै

धादिङ जेष्ठ ४
गणतन्त्र दिवसको अवसर पारी यही जेष्ठ १५ गते मलेखु धादिङमा बृहत खुल्ला रक्तदान कार्यक्रमको आयोजना गरिन लागिएको छ । नेपाल रेडक्रस सोसाइटी बेनिघाट उप शाखा बेनिघाट रोराङ गाउँपालिका ३ धादिङको आयोजनामा हुन लागेको बृहत खुल्ला रक्तदान कार्यक्रम बिहान ८ बजेदेखि २ बजेसम्म सञ्चालन हुने आयोजक संस्थाले जानकारी दिएको छ । विश्वभर महाँमारीको रुपमा फैलदै गएको कोरोना भाइरस रोकथाम र न्यूनीकरण गर्न सरकारले जारी गरेको लकडाउनका कारण देशैभर खुल्ला रक्तदान कार्यक्रमहरु नभएकाले रगतको अभाव भैरहेको सन्दर्भमा धादिङमा सामाजिक दुरी कायम गर्दै बृहत खुल्ला रक्तदान कार्यक्रमको आयोजना गर्न लागिएको हो ।