नेपालमा कोरोना सङ्क्रमितको सङ्ख्या २ सय ४३ पुग्यो, बुधबार थपिए २६ जना

धादिङ ३१ बैशाख
नेपालमा कोरोना सङ्क्रमितको सङ्ख्या २ सय ४३ पुगेको छ । राष्ट्रिय जनस्वास्थ्य प्रयोगशाला काठमाडौँ र प्रादेशिक प्रयोगशाला रुपन्देहीमा गरिएको परीक्षण अनुसार नयाँ सक्रमितहरु पुष्टी भएका हुन् । बुधबार मात्र थप २६ जनामा कोरोना सङक्रमण पुष्टी भएको हो । बुधबार रुपन्देही जिल्ला निवासी २२, २२, २५, २८, ३०, ३२, ३२, ४१ वर्षीय पुरुषहरु, ४, १०, २८ वर्षीय महिलाहरुमा सङ्क्रमण पुष्टी भएको हो । यस्तै कपिलवस्तु जिल्ला निवासी २२, २२, २९, ३२, ४०, ४०, ४०, ४२, ४२ वर्षका पुरुषहरुमा पनि सङक्रमण पुष्टी भएको छ । यसैगरी पर्सा निवासी ३६ र ७४ वर्षका पुरुषहरु र ३६ वर्षीय महिलाका साथै नवलपरासी निवासी ३६ वर्षीय पुरुष र बाँके जिल्लाका ३६ वर्षका पुरुषमा संक्रमण भेटिएको हो र नयाँ सङक्रमितहरुको स्वास्थ्य अवस्था सामान्य रहेको स्वास्थ्य तथा जनसङ्ख्या मन्त्रालयका सह प्रवक्ता समिर कुमार अधिकारीले जानकारी दिनुभयो ।