फुलखर्क हत्याप्रति प्याब्सन धादिङद्वारा दुःख व्यक्त,कडा कारबाहीको माग

धादिङ २८ बैशाख
धादिङको गंगाजमुना गाउँपालिका वडा नम्बर ५ स्थित गंगाजमुना एकेडेमीका प्रिन्सिपल यम बहादुर गुरुङको हत्याप्रति नीजि तथा आवासीय विद्यालय अर्गनाइजेसन नेपाल (प्याव्सन) धादिङले दुःख व्यक्त गरेको छ । आइतबार प्याब्सन धादिङले विज्ञप्ती जारी गर्दै, शनिबार साझँ गंगाजमुना गााउँपालिका वडा नं ५ गंगाजमुना एकेडेमीका प्रिन्सिपल यम बहादुर गुरुङकोे खुकुरी प्रहार गरी हत्या भएकोमा दुःख व्यक्त गरेको हो । उक्त घटनाप्रति प्याव्सन धादिङले खेद प्रकट गर्दै, “मृतक प्रति हार्दिक श्रद्धाञ्जली अर्पणका शोक सन्तप्त परिवारजनमा गहिरो समबेदना प्रकट गर्दछौँ” विज्ञप्तीमा भनिएको छ । प्याब्सन धादिङले घटनाको यथार्थ छानविन गरी दोषी माथि कडा भन्दा कडा कानुनी कारबाही गर्न समेत माग गरेको छ । स्थानीय भिमसेन बुढाथोकीले धारिलो हतियार प्रहार गर्दा शिक्षक गुरुङको शनिबार उपचारको क्रममा मृत्यु भएको थियो । बुढाथोकीले दुबै खुट्टा र दुबै हात चुडिने गरी खुकुरी प्रहार गरेसँगै उपचारको लागि काठमाडौ लैजान नाईट भिजन हेलिकप्टरको प्रयास गरिए पनि घटना घटेको करिब ३ घण्टापछि मात्र अन्तिम अवस्थामा गाउँपालिकाको गाडीमा जिल्ला अस्पताल ल्याईएको थियो ।