अन्तराष्ट्रिय धादिङ समाजद्धारा जिल्लाका १३ वटै पालिकामा दोस्रो चरणको खाद्यान्न सहयोग कार्यक्रम सम्पन्न

धादिङ २२ बैशाख
विश्वभर महांमारीको रुपमा फैलिएको कोरोना भाइरसको असर नेपालमा पनि देखिन थालेपछि धादिङ जिल्लामा कोरोना भाइरस(कोभिड १९)लाई रोकथाम र नियन्त्रण गर्ने उद्देश्यले पहिलो चरणमा जिल्लाका १३ वटै स्थानीय तहमा स्वास्थ्य सामग्री वितरण गरेको अन्तराष्ट्रिय धादिङ समाजले दोस्रो चरणको कार्यक्रम खाद्यान्न तथा थर्मो गन सहयोग कार्यक्रम पनि सम्पन्न गरेको छ । सो कार्यक्रम अन्तर्गत २३४० केजी चामल, १३० केजी नुन १३० लिटर तेल, ३२५ केजी दाल र १५ थान गन थर्मोमिट सहयोग गरिएको हो । धादिङ जिल्लामा कोरोना भाइरस रोकथाम र नियन्त्रण गर्नका लागि अन्तराष्ट्रिय धादिङ समाजको पहलमा धादिङ जिल्ला स्थायी घर भइ विश्वका विभिन्न देशमा रोजगारीको क्रममा रहनुभएको सहयोगी मनहरुको सहयोगबाट उक्त कार्यक्रम सम्पन्न गरिएको अन्तराष्ट्रिय धादिङ समाजका वरिष्ठ उपाध्यक्ष दिनेश तामाङले जानकारी दिनुभयो ।

समाजले पहिलो चरणको कार्यक्रम अन्तरगत जिल्लाका १३ वटै पालिकाका स्वास्थ्यकर्मीलाई लक्षित गरि माक्स, सेनिटाइजर, पिपिई सेट, सावुन लगायतका स्वास्थ्य सामाग्री वितरण गरिएको थियो । सामाजिक संजाल मार्फत चलाईएको सो अभियानलाई सफल बनाउन करिब ९ लाख बराबरको सहयोगको प्रतिबद्धता प्राप्त भएको थियो । साथै पछि उत्पन्न हुने परिस्थितीलाई मध्यनजर गर्दै आबश्यकता अनुसार तेस्रो चरणको कार्यक्रम पनि संचालन गर्न सकिने समाजले जनाएको छ । “दैनिक ज्याला मजदुरीबाट जीवन धान्नेहरुलाई सहयोग गरौँ, स्वास्थ्य क्षेत्रलाई अत्यावश्यक सामाग्री उपलब्ध गराऔँ” भन्ने मुल उद्देश्यको साथ सुरुभएको अभियान, पहिलो र दोस्रो गरी दुईचरणमा सम्पन्न गरिएको हो ।