जोखिममा रहेकालाई मास्क, सेनिटाइजर वितरण गर्दै खेलुकद विकास समिति धादिङका अध्यक्ष तामाङ

धादिङ १२ बैशाख
कोरोना भाइरस (कोभिड–१९) रोकथाम तथा नियन्त्रणको जोखिमलाई मध्यनजर गर्दै जिल्ला खेलकुद विकास समिति धादिङले जिल्लाका विभिन्न ठाउँमा १ हजार थान मास्क तथा सेनिटाइजर वितरण गरेको छ । कोरोना भाइरसका कारण मास्क तथा सेनिटाइजरको अभाव भएका धादिङका विभिन्न ठाउँहरुमा राहतस्वरुप जिल्ला खेलकुद विकास समिति धादिङका अध्यक्ष प्रताप तामाङको सक्रियतामा उक्त सामग्री वितरण गरिएको हो । कोरोना भाइरस (कोभिड–१९)संक्रमणको अति जोखिममा रहेका नागरिकहरुलाई मास्क तथा सेनिटाइजर वितरण गरिएको जिल्ला खेलकुद विकास समिति धादिङका अध्यक्ष प्रताप सिङ तामाङले बताउनु भयो । गाउँ तथा शहरहरुका मेडिकल पसलहरुमा मास्क तथा तथा सेनिटाइजर जस्ता अतिआवश्यक सामग्रीहरु अभाव भईरहेको बेला अध्यक्ष तामाङको पहलमा करिब १ हजार मास्क र सेनिटाइजर वितरण गरिएको हो । यसै गरी कोरोना भाइरसको सङ्क्रमणबाट जोगिन सरकारले जारी गरेको निर्देशनहरुको पालना गर्दै सामाजिक दुरी कायम गरी आ–आफ्नो ठाउँबाट सहयोग गर्न सम्पूर्ण धादिङबासीहरुलाई अपिल समेत गरिएको छ ।