धादिङको बेनिघाट आरनभञ्ज्याङमा बोलेरो दुर्घटना, १ मृत्यु, ७ घाइते

धादिङ ०७ बैशाख
धादिङको पृथ्वीराजमार्ग अन्तर्गत बेनिघाट रोराङ गाउँपालिका वडा नम्बर ४ स्थित आरन भञ्ज्याङमा बोलेरो जीप दुर्घटना हुँदा १ जनाको घटना स्थलमै मृत्यु भएको छ, भने ७ जना घाईते भएका छन् । मलेखुबाट तरकारी बेच्न आएका किसानहरुलाई लिएर जाँदै गरेको बा १ ख ८६३६ नम्बरको बोलेरो आइतबार दिउँसो पौने ४ बजे सडकबाट ७ सय मिटर तलखस्दा दुर्घटना भएको जिल्ला प्रहरी कार्यालय धादिङले जनाएको छ । घाइतेहरुको स्थानीय बासिन्दाहरु र नेपाल प्रहरीको टोलीले उद्दार गरेका थिए ।