त्रिपुरा सुन्दरी गाउँपालिकामा पहिलो चरणको राहत वितरण सम्पन्न

धादिङ २७ चैत्र
त्रिपुरा सुन्दरी गाउँपालिका धादिङले लकडाउनका कारण समस्यामा परेका गाउँपालिका बाहिरबाट आइ विभिन्न विकास निर्माणका कार्यमा सङ्लग्न असङ्गठित मजदुरहरुलाई पहिलो चरणको राहत प्याकेज(खाद्यान्न सामग्री)वितरण गरेको छ । गाउँपालिकाभित्रका ७ वटै वडाबाट तथ्याङ्क सङ्कलन गरी आएका नामलाई कार्यपालिकाको बैठकले अनुमोदन गर्दै राहत वितरण गरेको हो । गाउँपालिकामा अन्यत्रबाट आइ काम गर्ने ४ सय ४९ मजदुरहरुलाई ५ जनाको समूहमा विभाजन गरी ९५ वटा राहत प्याकेज वितरण गरिएको प्रमुख प्रशासकीय अधिकृत रामचन्द्र इटनीले बताउनु भयो । प्रत्येक राहत प्याकेजमा २५ केजि चामल, दाल, तेल, आलु, नुन चिनी र साबुन रहेको प्रमुख प्रशासकीय अधिकृत इटनीले बताउनु भयो । यसअघि नै वडा नं. १ र २ का ३० घर परिवारलाई आइ.सि.डि.सि. धादिङले राहत वितरण गरिसकेको छ भने ७ नं. वडाका २२ घर परिवारलाई स्थानीय व्यवसायी कृष्ण प्रसाद तिमल्सिनाले राहत वितरण गरेका छन् । पहिलो चरणको राहत वितरण सकिएको र आवश्यकता अनुसार थप राहत वितरण गरिने प्रमुख प्रशासकीय अधिकृत इटनीले बताउनु भयो ।