धादिङबेसीमा जुवाको खालबाट ५२ हजार नगद सहित ६ जना पक्राउ

धादिङ २७ चैत्र
जिल्ला प्रहरी कार्यालय धादिङले बिहिबार धादिङबेसी पुछारबजार मूल चोकबाट ६ जना जुवाडेलाई पक्राउ गरेको छ । सुराकीका आधारमा पुछारबजार मूलचोकस्थित एक होटलमा जुवाखेलिरहेको अवस्थामा प्रहरीले छापामारी पक्राउ गरेको छ । लकडाउनको समयमा बजार क्षेत्रमा जुवाखेली रहेको विशेष सूचनाको आधारमा प्रहरीले नगद ५२ हजार सहित ६ जनालाई पक्राउ गर्न सफल भएको जिल्ला प्रहरी कार्यालय धादिङका प्रहरी उपरीक्षक रविन्द्र रेग्मीले जानकारी दिनु भयो । रेग्मीले लकडाउनको समयमा धादिङबेसी लगायत गाउँ÷गाउँमा पनि जुवातास खेल्ने, भिडभाड गर्ने, होहल्ला गर्ने, मदिरा सेवन गर्ने गरेको गुनासो आउन थालेपछि प्रहरी थप सक्रिय भएको बताउनु भयो । जिल्ला प्रहरी कार्यालय धादिङले जुवातास खेल्ने, लकडाउन उलङ्घन गर्ने, सवारी पास उलङ्घन गर्नेहरुको निगरानी गरी कडाईका साथ कारवाही गर्ने योजनाका साथ प्रहरी लागि परेको प्रमुख रेग्मीले बताउनु भयो । पक्राउ परेकाहरुलाई कानुन अनुसार कारबाही गर्ने प्रमुख रेग्मीले बताउनु भयो ।