खनियाबास २ झार्लाङमा चट्याङ लागेर १ जनाको मृत्यु ३ जना घाइते

प्रेम बहादुर तामाङ
धादिङ १९ चैत्र
खनियाबास गाउँपालिका वडा नं. २ झार्लाङमा बुधबार दिउँसो चट्याङ लागेर एक जनाको मृत्यु भएको छ भने ३ जना घाइते भएका छन् । बुधबार दिउँसो करिब २ः३० बजेको समयमा कुखुराको खोर निर्माण गर्दै गरेका खनियाबास २ झार्लाङ गोर्गाङका ४० वर्षीय रामसिंह तामाङको चट्याङ लागेर मृत्यु भएको हो । यस्तै खनियाबास २ थलीमा चट्याङ लागेर मन कुमारी तामाङ र पार्वती तामाङ घाइते हुनुभएको छ । यस्ते खनियाबास २ क्युङमा पनि आशामाया तामाङ चट्याङ लागेर घाइते हुनुभएको हो । चट्याङका कारण खनियाबास २ झार्लाङ थली गाउँका फूल बहादुर तामाङ र कान्छा तामाङको घरमा समेत क्षति पुगेको र हाल बिजुली बत्ती समेत अबरुद्ध भएको छ ।