नीलकण्ठ ६ कुसुन्डेमा मोटरसाइकल दुर्घटनामा परी वडा अध्यक्ष सहित २ जना गम्भीर घाइते

धादिङ ०९ चैत्र
धादिङको नीलकण्ठ ६ सुनौलाबजार स्थित गौँडेखोलामा मोटरसाईकल दुर्घटना हुदाँ वडाध्यक्ष सहित २ जना गम्भिर घाइते भएका छन् । गल्छि गाउँपालिकाबाट सुनौलाबजार हुदैँ धादिङबेशी आउदै गरेको प्रदेश ०३–००२००१ ब ०४२२ नम्बरको मोटरसाईकल नीलकण्ठ नगरपालिका वडा नंं ६ स्थित सुनौलाबजार स्थित गौँडेखोलामा अनियन्त्रित भई सडकबाट अन्दाजी ५० मिटर तल भिरमा खस्दा गल्छी गाउँपालिका वडा नं. १ का अध्यक्ष पूर्ण खतिवडा र सोही ठाउँका शिक्षक रामहरि खतिवडा घाइते भएका हुन् । घाइतेहरुलाई हेलिकप्टरमार्फत थप उपचारको लागि काठमाडौँस्थित ग्रान्डी अस्पताल लगिएको छ । घाइतेहरुको उद्धारका लागि प्रहरी, रेडक्रसकर्मी, धादिङ सोसियल भोलिन्टियर र स्थानीय नागरिकहरुले उद्धार गरेका थिए ।